Zallako toponimiari buruzko ikerketa linguistikoa
Cargando...
Ficheros en el ítem
Fecha
2016-01-14
Autores
Título de la revista
ISSN de la revista
Título del volumen
Editor
Universidad de Deusto
Resumen
Neure tesi lan honetan, Enkarterriko hizkuntza egoera historikoari buruzko datuak ekarri eta Zalla herriko toponimiazko ikerketa burutu dut.
Oso bakanak dira, zinez, Enkarterriko hizkuntza edo eta hizkuntzei dagozkien ikasketa eta ikerketak. Autore desberdinek emandako aipamen eta testigantzak oinarri harturik borobildu dut hasierako jorratze saioa.
Ondoren, Enkarterriari eta Salzedo haranari dagozkion zenbait datu diakroniko jaulkitzen dira, antzineko dokumentuetatik abiatuta, zehazki, bai eta Bizkaiko alde honek bizi izan duen bazterketa historikoa eta dokumentazio gabezia ere orokorki aipaturik, ondoriozko Enkarterriko gaurko egoera moldatu eta egokitu duten argibideak jakitera emanez.
Zalla herriaz interesgarri jo ditudan hainbat jakingarri erantsi ditut, ikuspegi orokorrago batetik abiatu nahi izanez gero osagarri gerta litekeelakoan.
Ikerketa linguistikoak, lanaren bihotza denak, darraio hasierako alde horri, jatorria, etimologia eta datatze agiriez lagundu eta osotzen saiatu naizena, aipatu dokumentazio eta argibide urritasuna gora behera.
Aurrerago, ondorioak azaltzen dira, ikerketa eta ikasketa lanak aurrera eramateko dei eginez, batetik lan honetakoa eremu zehatz bati soilik lotzen baitzaio eta bestetik arakatu alde horretakoa zerbait homogeneo eta bateratutzat ezin har dezakegulako, benetako errealitatea dibertsitate eta aniztasunean isladatzen baita.
Azkenik, ikertutako esparruan aurkitu dudan toponimo eta lekuizen zerrenda erantsi dut, han-hor-hemenka Zallako geografian agerturikoak, ahalik eta erakusketa osoago eta beteagoa eskaini nahian.
Lan honen zertarakoaz, Enkarterriko Zallako historia linguistikoa ikuspegi diakroniko batez ezagutzera eman nahi izan dut, egoerak berak planteatzen duen problematika aztergai gerta dakigun eta datozkeen ikertzaile eta interesdunei jakiteko grina piztu diezaien, lekuizenen ikerketak berak aspaldi sortarazi baititu gure artean aipatu dudan jakinmina eta gure hizkuntzeri historian murgiltzeko gogoa.
Descripción
Materias
Historia, Lingüística, Ciencias auxiliares de la historia, Lingüística sincrónica